Lirik lagu Tigo Mandayo - Diginyang Bana
Ka bukik ka padang panjang
Ka solok hari lah sanjo
Di sangko kawan kaberang
Kironyo bagarah sajo
Ondeh Ondeh Ondeh
Ka padang di hari pagi
Pasisia di tampuah pulo
Mancaliak urang mambali
Nan awak taragak pulo
Apo gala kaniang
Kaniang kiliran taji
Dima ndak ka paniang
Dek kantong indak barisi
Apo gala pipi
Pipi palakek badak
Jan dihino badan diri
Mantang kawan bapitih banyank
Apo guno kaki
Kaki untuak bajalan
Disiko ibo hati
Dek acok dikicuah kawan
Sijunjung melah dahulu
Silungkang akaik balai nyo
Macaliak kosong isi saku
Badarai si aia mato
Ka sangka di hari kami
Payokumbuah harau tanamo
Marasai dimusim kini
Untuang elok kamukonyo
Apo gala talingo
Talingo tumbuah di lereang
Patuik maleh rang mambaok
Dek acok mamakqn jariang
Apo gala nyo hiduang
Hiduang tunggang ka bawah
Baa ndak ka binguang
Dek acok bana kanai ota
Apo gala tapak
Tapak di bawah latak nyo
Kok nyampang bapitih banyak
Isuak dibali kasadonyo