Lirik Lagu Mace Purba x Mor M.A.C - Lelah.
[ Verse I : Mace Purba ]
Sa ingat waktu dulu
Hanya sa yang ko perlu
Ko tra mau bila ada yang lain
Ko janji ko akan setia
Tapi ternyata ko hanya bermain
[Chorus]
Ko sangat pintar bagi ko pu waktu
Ko taruh sa bukan di nomor satu
Habis ketemu de baru ko cari sa
Ada ka ko pikir sakit yang sa rasa
Alasan apalagi yang ko mo kasih
Tra puas ka ko bikin sa begini
Sa su tra sanggup, sa menyerah
Bersabar dengan semua
Sayang sa su lelah
[ Verse II : MOR M.A.C ]
Ko pernah bilang sama sa kalo ko kan setia
Namun di persimpangan ko berbelok kepada dia
Kurang ka sa pu cinta sampe harus ko cari
pada orang lain ko minta Ko hanya pikir diri sendiri
Sa bukan dermaga untuk ko singgah sebentar lalu pergi
Dimana ko pu perasaan sehingga ko main sa hati
Sa su tau semua, tra perlu untuk menjelaskan
Su trada lagi tong dua, karna ini ko yang pu mau untuk hentikan
Semua berubah, Ko telah mendua
Sa terlalu percaya, Pada akhirnya pun kecewa
Koi enak eh, habis polo de baru mo polo saya
Ko pikir sa ni apa e, jadi ko mo perlakukan deng seenaknya
[Chorus]
Ko sangat pintar bagi ko pu waktu
Ko taruh sa bukan di nomor satu
Habis ketemu de baru ko cari sa
Ada ka ko pikir sakit yang sa rasa
Alasan apalagi yang ko mo kasih
Tra puas ka ko bikin sa begini
Sa su tra sanggup, sa menyerah
Bersabar dengan semua
Sayang sa su lelah